14 مشاهدات
في تصنيف أسئلة عامة بواسطة (17.8ألف نقاط)

هل احد جرب او سمع بمركز جنين للحقن المجهري / الدكتور حسام زكي في مصر ؟ 


الاجابة


انا كانت لي تجربه معهم ..

وقبل ابدء بتجربتي انا لي ١٤سنه  وعملت تقريبا ٩ عمليات كلها فشلت .. لكن ماكتب رب العالمين شي والحمد لله على كل حال أسال الله لنا ولكم الذرية الصالحة ... ===»

١_ هم مثل اللي عندنا بالسعودية وممكن اللي في السعودية أفضل من ناحية الخدمة واستخدام الأدوات الطبية المتطورة حسب تجربنتي

٢_الدكتور حسام ماشفته الا مره أو مرتين وإذا طلبت أقابله يقولون مسافر او في مؤتمر يعني لاتعتقدون أنه الدكتور راح يكون معكم في كل الزيارات مثل مستشفيات السعودية .. كل شغلهم مع منسقات وطبيب مقيم او اخصائي

٣_الصراحه شغلهم مادي جدا لولا ضغط زوجتي علي بإكمال العملية معهم والا كان من ثاني زيارة رجعت

٤_زحمه جدا جدا .. أول زيارة يدخلونك على الدكتور حسام بشكل سريع وبخدمه خمس نجوم وبعدها صف طابور .

٥_التكلفة إذا حسبتوها مع السكن والتنقلات بيكون السعودية أرخص.

٦_الموظفات خلوقات وخدومات وراقيات.

٧_اعطوني علاج فقط لشهر والمعروف في الطب اقل مدة حتى يبداء العلاج مفعوله ٣ أشهر حتى تتكون الحيوانات لكن في تلك الفترة ماكان عندي علم ولا كان رفضت العلاج لأن ماله فايده في المده القصيرة ..

٩_عملنا كل التحاليل والأجراءات المتطورة في هذا المركز حتى مانقول ياليتنا سوينا ونتحسف لكن الحمد لله على كل حال .. وفيه نقطه أنا حاولت كذا مره أسألهم عن التكلفه قبل مانبداء لكن مايمسكوني خبر  يقولون على حسب يعني حتى ضغطت عليهم وأعطوني التقريبي وكان غير صحيح بعد ماحسبتها في نهاية  الأمر

١٠_جلسنا تقريبا شهر ونصف واستأجرنا اول ٥ أيام فندق  وبعدها اخذنا شقه في المعادي عند دوار الحرية من مكتب عقار رجل عراقي محترم وخدوم قريب من محل باتشي للشوكلاته وفيه قريب منه فندق بس ناسي وش اسمه.

١١_وإذا كان مشكلتكم ضعف قوي عند الزوج انصحكم انه يأخذ عينه عن طريق الفحص الميكروسكوبي لأنها الطريقة الوحيدة لأستخراج الحيوان الجيد ومو أي مركز يعملها .. انا كان الدكتور مقرر لي اعملها لكن جت الأزمه وتوقفت وسعرها تقريبا بالسعودية ١٧ألف ريال 

١٢_ فيه دكتور بالحبيب في الرياض ما أدري انتم جربتوه أو لا اسمه بندر العبدالكريم شخص له نجاحات في هالمجال وممكن تبحثون بقوقل .. نصوح وماهو استغلالي وخدوم وترتاح نفسيا معاه وخاصه اذا شاف ان المراجع له محاولات كثيرة وكلها فاشله يحرص على زيادة حرصه ..

أتمنى أني أفدتكم ولا أطلت عليكم

كلفتني العملية تقريبا ٣٥٠٠٠ ريال من غير السكن والتذاكر والتنقلات والمعيشه وفي السعودية سويتها اخر مره بالحبيب  ماتتعدى ٢٠٠٠٠ ريال

1 إجابة واحدة

0 تصويتات
بواسطة (17.8ألف نقاط)
 
أفضل إجابة
هل احد جرب او سمع بمركز جنين للحقن المجهري / الدكتور حسام زكي في مصر ؟
مرحبًا بك في بوابة الإجابات، حيث يمكنك طرح الأسئلة وانتظار الإجابة عليها من المستخدمين الآخرين.
...